【葡萄牙白 X 魚蛋燒賣】

每逢到下午四丶五點總覺得有點肚空空嘅感覺，最啱就係立刻到樓下買盒咖哩魚蛋同燒賣，明知其實全部都係麵粉加啲味都冇所謂，填肚之餘又有親切感就是了。咁最好當然都可以配杯同樣平易近人既葡萄酒就 perfect 啦，不如試吓葡萄牙的白酒 Vinho Verde。對，就係去開澳門返港順便買既經濟版白葡萄酒。

Vinho Verde 的翻譯就是綠色的酒，盛產於葡萄牙的西北部，呈些微綠色，故得此名，某些仲有些微氣泡，清新富果味，係一隻絶無負擔既白葡萄酒，配咖喱魚蛋及燒賣，可以放心豪爽的大啖吃喝！

Comments