【石硤尾辦館】

Dec 9, 2016
1 min read

公眾假期又想留港消費（實情係唔想大破費！），便在香港找一些平日唔會行的地方逛逛。今次去了石硤尾，因為聽講該區開了一些新的懷舊文具舖，由於準備工夫做得不足，結果找不到。在街上漫無目的地行，居然發現辦館這兩個字，於是就入了這間叫「新華辦館」的老舖睇睇。

舖的左面櫥窗係賣煙斗，右面就有琳琅滿目嘅烈酒，包括陳年威士忌和限量版白蘭地。小店充滿著濃濃的人情味，當我還在店外觀看櫥窗時，老闆娘便盛意邀請我入內。店裏有很多各式各樣的烈酒和小酒辦，也有價格非常合理的葡萄酒。一直同老闆娘指着不同的酒甁在聊天和分享哪一瓶好飲，最後買到了兩瓶心頭好，價錢比機場的免稅店還相宜。

除了烈酒，仲有紅同白葡萄酒、日本清酒，甚至茅台。價位高啲嘅就放玻璃房入面，豐儉由人。